Ҷ.БАЛХӢ. Дар ҷамоати деҳоти Маданияти ноҳияи Ҷалолиддини Балхӣ чорабинии тантанавӣ бахшида ба 27-умин солгарди Конститутсияи Ҷумҳурии Тоҷикистон баргузор гардид, ки дар он раиси Кумитаи иҷроия Сулаймонова Лола ва раиси Шӯрои собиқадорони ҳизб дар ноҳия Абдулҳаев Маҳмасаид иштирок ва суханронӣ намуданд.
Зимни суханронӣ масъулин қайд карданд, ки Конститутсия ин бахтномаи миллат, оромии давлат ва амнияти ҷамъият мебошад. Ҳамчунини дар чорабинӣ ҳунарҳои мардумӣ ба намоиш бароварда шуда, хонандагон шеъру тарона ва рақсу сурудхонӣ намуданд. Дар фарҷом масъулин ба саравони фаъоли муассисаҳои таҳсилоти миёнаи умумии ҷамоати деҳоти мазкур, барои саҳми арзандаашон дар рушди соҳаи маориф ва амалӣ сохтани ҳадафҳои Барномавӣ ва Оинномавии Ҳизби Халқии Демократии Тоҷкистон Сипосномаҳои Кумитаи иҷроияи ҲХДТ дар ноҳияро тақдим намуданд.
