Н. ХУСРАВ. Бахшида ба сазовор таҷлил намудани 27 солагии Конститутсияи Ҷумҳурии Тоҷикистон дар муассисаи таҳсилоти миёнаи умумии № 6-и ноҳияи Носири Хусрав бо сокинон суҳбат дар мавзӯи «Конститутсия бахтномаи миллат» баргузор гардид.
Раиси Кумитаи иҷроияи ҲХДТ дар ноҳия Ализода Сурайё ва муовини раиси ноҳия Азимзода Машҳура зимни баромад қайд намуданд, ки бо назардоршти он, ки тӯли беш аз ҳазор сол дар ҳолати бедавлатӣ қарор доштем, инчунин як қисмати таърихи на чандон дурамон дар доираи низоми давлатдории умумишӯравӣ ҷараён гирифта буд, ҷашнгирии 27 солагии Конститутсия барои мо ҳамчун шаклгири давлатдории миллӣ ва таҳкими амнияту суботи сиёсиву иҷтимоии ҷумҳурии азизамон - Тоҷикистон аҳамият ва шукуҳи хоса дорад. Халқи Тоҷикистонро бахту саодати бузурге насиб шудааст, ки соҳиби чунин Конститутсияи аз ҳама ҷиҳат мукаммал мебошад.
