Ш.ШОҲИН. Дар замони имрӯзаи мо, ки Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷавононро созандаву бунёдкор ва ояндаи миллати моро ба онҳо вогузор кардаву ҳама шароиту имкониятҳоро барои онҳо муҳайё сохтааст, бояд шукргузорӣ намуда, аз сиёсати пешгирифта ҷонибдорӣ намуда, бо кору амал ва пайкору фаъолияти созандаи худ ҷавононро мебояд ба боварии Пешвои миллат сазовор шаванд.
Маҳз ба хотири ҷавонон соли 2017-ро дар кишвар Соли ҷавонон эълон карданд, ки таваҷҷуҳи тамоми табақаҳои ҷамъият ба ҷавонон нигаронида шуд.
Дар муассисаи таҳсилоти миёнаи умумии №4-и ҷамоати деҳоти Доғистон кормандони Кумитаи иҷроияи ҲХДТ дар ноҳияи Шамсиддин Шоҳин бо ҷавонон вохӯрӣ баргузор намуданд.
Дар вохӯрӣ мудири шуъбаи таблиғот, иттиллоот ва матбуот Неъматов Абдуҷаббор, мудири шуъбаи кор бо занон ва ҷавонон Сунатуллоева Мавзуна иштирок намуданд.
Зимнан Неъматов Абдуҷаббор ба сухан баромада, оид ба самтҳои афзалиятноки фаъолияти ҲХДТ ва мақсаду мароми сиёсати имрӯза изҳори андеша намуданд.
