ҶАЙҲУН. Бо иштироки мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Ҷайҳун Ғафорова Насимахон дар якҷоягӣ бо бахши кор бо занон ва оилаи Мақомоти иҷроияи маҳаллии ҳокимияти давлатии ноҳия байни занони фаъол суҳбат вохӯрӣ баргузор гардид.
Сарвари давлат муҳтарам Эмомалӣ Раҳмон, дар радифи таҳлилу баррасии масъалаҳои гуногуни давлату давлатдорӣ, ба баланд бардоштани мақоми зан дар ҷомеа ва фароҳам овардани шароиту имкониятҳои мусоид баҳри фаъолияти пурсамари бонувон дар арсаҳои роҳбарӣ таваҷҷуҳи хоса зоҳир менамоянд.
Воқеан ҳам овони соҳибистиқлолии кишвар бонувон таҳти ғамхориву таваҷҷуҳи хосаи роҳбарияти олии мамлакат қарор гирифта, баҳри ба илму ҳунаромӯзӣ фаро гирифтани онҳо ба рушди зеҳниву омӯзиши таҷрибаи пешқадам дар зинаҳои роҳбарӣ барои занону духтарони лаёқатманд шароиту имкониятҳои бемаҳдуд фароҳам мебошад.
