ВОСЕЪ. Дар ноҳияи Восеъ корҳои ободонӣ ва бунёдкорӣ вусъати тоза дорад. Дар доираи ин ташаббусҳо дар деҳаи Сулҳободи ноҳияи Восеъ бо ҷалби соҳибкорони хайрхоҳ –аъзои фаъоли ҲХДТ зиёда аз 2000 метр роҳҳои байни деҳаҳо сангфарш карда шуданд.
Бояд қайд намоем, ки чунин иқдомҳои хайрхоҳона бо мақсади иҷрои дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ҳаллу фасли мушкилоти мардум, инчунин фаъол гардидани сокинон дар ҳалли масъалаҳои иҷтимоии мавҷуда, дуруст роҳандозӣ кардани корҳои хайру сахо, ҳалли масъалаҳои бекорӣ ва фаро гирифтани сокинон бо шуғл бо истифода аз қувваи фаъолон, аъзо ва ҷонибдорони ҲХДТ роҳандозӣ карда мешавад.
