БАРОИ ПЕШРАФТ ВА ЗИНДАГИИ ШОИСТАИ МАРДУМ!

ШИОРИ ТОҶИКОНАМ ВАҲДАТ АСТ...

ВОКУНИШ. Имрӯз  бо   шукргузори  аз  сиёсати  сулҳпарваронаи   Асосгузори  сулҳу  Ваҳдати  миллӣ, Пешвои   миллат,  Президенти  Ҷумҳурии  Тоҷикистон  муҳтарам  Эмомалӣ  Раҳмон  миллати  мо  озод  аст,  насли  наврас  озодона   чун  кабӯтарони  сулҳ  дар  фазои  озоди  диёр  парвоз  мекунанд. Онҳо  дарси   ватандӯстию  одамгариро  меомӯзанд. Дар  ҳар  қадам  чун  Рустами  замон  дар  паҳлуи  Пешвои  худ  қадам  мезананд.

Дар  фазои  шабакаҳои  иҷтимоӣ  гурӯҳи  бадсириште  дар  симои  Беҳрӯз  Тағойзода   миёни  мардум  барномаеро бо  номи  “Садои  мардум” пахш  менамоянд, ба  ҷуз  сафсатаи  Беҳрӯз  Тағойзода  ва  ҳаммаслаконаш  дигар  чизе  нест, вале  Беҳрӯз  Тағойзода  чун  ҷоҳилу  гумроҳест, ки  намедонад, ки  ҷавонони  имрӯзи  Тоҷикистони  азиз,  ҷавонони  солҳои  навадум  нестанд,  ки  фирефтаи  дассисаву  найрангҳои  туву  хоҷагонат  гарданд.

Ҳар  як  фарди  тоҷик, ҳар  модаре, ки  рӯзҳои  ҷанги  шаҳрвандиро  дидаасту   азоби  сарсониву  оворагиро  чашидаанд. Аз   ниятҳои  нопоки  Тағойзодаву  хоҷагони  хориҷиаш  огаҳанд  ва  аз  худро  тоҷик  шуморидани  Беҳрӯз  Тағойзода   шарм  медоранд, зеро  дар  вуҷуди  миллати  тоҷик  одати  иғвоандозӣ  набуду  нест. То  ин  ҳад  миллатфурӯшӣ  аз  ҷониби  гурӯҳи  24  бас  будагист.

Беҳрӯз  Тағойзода  аз  Худову  калом  сухан  мегӯяду  худ  бехабар  аз  он  аст, ки  гуноҳи  калон  дар   ҳадисҳои  Пайғамбар  ин  ғайбату  иғвоангезӣ  аст.  Беҳрӯзу  хоҷагонаш  роҳи  мерафтаи  худро  намедонанд, ки оқибат  ба  ҷаҳаннамашон  мебарад.

Солҳои  ҷанги  шаҳрвандӣ  дар  Тоҷикистон  касе  садо  намебаровард, мардум  аз  ҷони  худро  аз  даст  додан  меҳаросиданд, ҳар  рӯз  садҳо  фарзандони  бегуноҳи  миллат  ҷон  медоданд,  вале  Пешвои  муаззами  миллат  чун  як  ҷавони  ватандӯст  ҷон  ба  каф  гирифта, кори  худро  аз  сулҳ  оғоз  намуду  то  имрӯз  аз  ҳар  суханашон  ба  гӯш  навои  Ваҳдат  мерасад.

Имрӯз  фарзандони  бонангу  номуси  Тоҷикистон   ба  Президенти  мамлакати  худ  ончунон  меҳр  доранд,  ки  ин  меҳр  садоқат  ба  Ватан  аст. Дар  роҳи  барқарории  сулҳу  субот  ва  оромии  Тоҷикистон  ҳамеша  талош  меварзанд  ва  намегузоранд, ки  ниятҳои  бади  ин  афроди  манфиатҷӯ  амалӣ  гардад.

Расулов Ғолиб,  мудири шуъбаи таблиғот ва иттилооти Кумитаи иҷроияи ҲХДТ дар ноҳияи Ёвон

 

Суроғаи мо:

вилояти Хатлон

735140  шаҳри Бохтар

кӯчаи. Айни №47

Бинои маъмурии Кумитаи иҷроияи ҲХДТ дар вилояти Хатлон

 

Тамос:

Email: hkhdt_khatlon@mail.ru

Tel: (83222) 2-82-92
Fax: (83222) 2-12-12

 

Саҳифаи Кумитаи иҷроияи ҲХДТ дар вилояти Хатлон дар шабакаи ЮТУБ

afz5_0.jpg