ҶАЙҲУН. Бо иштироки мудири шуъбаи кор бо занон ва ҷавонони Кумитаи иҷроияи ҲХДТ дар ноҳияи Ҷайҳун Ғафорова Насимахон дар Ҷамоати шаҳраки Дӯстӣ баҳри тақвият бахшидани фаъолияти ҳунармандии бонувон, аз ҷумла ҳавасманд намудани духтарон дар ин самт чорабиниҳои гуногуни шавқангез, сафарбар намудани аҳолӣ ба корҳои ободонӣ, рушди корҳои хонагӣ, саҳмгузорӣ дар рушди сайёҳӣ ва ҳунарҳои мардумӣ, эҳё ва тарғиби урфу одат ва анъанаҳои неки мардумӣ баргузор гардид.
Мавриди зикр аст, ки чунин чорабиниҳо оид ба тарғиб ва ба савдо баровардани маҳсулоти ҳунармандон мунтазам дар тамоми ҷамоату маҳаллаҳои ноҳия, хусусан дар нуқтаҳои истеҳсоли маҳсулоти ҳунармандӣ баргузор карда мешаванд.
