Ҷ.БАЛХӢ. Дар мақомоти иҷроияи ҳокимияти давлатии ноҳияи Ҷалолиддини Балхӣ бо иштироки масъулини Кумитаи иҷроияи Ҳизби Халқии Демократии Тоҷикистон дар ноҳия ва роҳбарони корхонаву муассисаҳои давлатӣ ҷаласаи навбатии Ситоди "Обуна-2022" доир гардид.
Дар суҳбат аз ҷониби намояндагони ҳизбӣ зикр гардид, ки имсол се нақша барои обуна шудан ба роҳбарони ташкилоту идораҳо, муассисаҳо ва ҷамоатҳои шаҳраку деҳот таҳия гардидааст, ки яке аз онҳо ин обунашавӣ ба нашрияҳои ҳизбии “Минбари халқ” ва “Ҳамрози халқ” мебошад. Ба сардорон ва раисони ташкилотҳое, ки аввалин шуда нақшаи обунаро иҷро карданд, сипосномаҳои Кумитаи иҷроияи ҲХДТ дар ноҳия сарфароз гардонида шуданд.
