АНДЕША. Бемуҳобо, Пешвои муаззами миллати тоҷик аз рӯзҳои нахустини давалатдорӣ ба нерӯи созандаи ҷавонон боварӣ намуда, ҷавонони болаёқату донишмандро дар ҳама соҳаҳо дастгирӣ намудаанд, ки дар вазифаҳои роҳбарикунанда фаъолият кардани ҷавонони соҳибтаҷрибаи кишвар шаҳодати гуфтаҳои мост.
Ҷавонони тоҷик дар ҳар самте, ки фаъолият намоянд бо дилу нияти пок мехоҳанд ба боварии Пешвои миллат арзанда гашта, Тоҷикистони азизро ба оламиён муаррифӣ намоянд, яке аз чунин ҷавонони масъулиятшиносу боиродаи миллат раиси шаҳри Душанбе муҳтарам Рустами Эмомалӣ мебошад, ки ба ҷавонии худ нигоҳ накарда, дар соҳаҳои мухталифи ҷомеаи имрӯза фаъолияти беҳамто нишон дода истодаанд.
Ҷавони арзандаи боварӣ- муҳтарам Рустами Эмомалӣ бо хоксорию ботамкиниаш ба дили ҷавонони мамлакат роҳ ёфта, намунаи ибрати онҳо гаштаанд, муҳтарам Рустами Эмомалӣ ҳамчун як ҷавони даврони истиқлолият ва пайрави асили Пешвои муаззами миллат ҷавононро дар ҳама самтҳо дастгирӣ менамоянд.
Чун мо ҷавонон зиёдтар миёни мардум ҳастем, аз оне ки Рустами Эмомалӣ Раиси Маҷлиси миллии Маҷлиси Олии Ҷумҳурии Тоҷикистон интихоб гардидаанд, сокинони мамлакат хушбахтанд, зеро ҳамагон шоҳиди ободкорию созандагиҳои Роҳбари ҷавону умедбахши шаҳри Душанбе ҳастанд.
Ҳанӯз хеле барвақт фаъолияти Рустами Эмомалӣ ҳамчун тарафдори варзишгарони кишвар дар самтҳои гуногун, аз ҷумла муаррифӣ намудани футболи Тоҷикистон бараъло мушоҳида мешуданд ва дар ин амал садҳо ҷавонон пайравашон гаштаанд. Муҳтарам Рустами Эмомалӣ дар баробари он ки Президенти Федератсияи футболи Тоҷикистон аст, Ассотсиатсияи футболи Осиёи Марказӣ низ интихоб гаштаанд, ки ин боиси ифтихори мо тоҷикон аст.
Инчунин, ҳамчун директори Агентии мубориза бо коррупсияи назди Президенти Ҷумҳурии Тоҷикистон Рустами Эмомалӣ шиддати коррупсияро дар Тоҷикистон коҳиш дода, дар давоми фаъолият ҳазорҳо амали коррупсиониро миёни мансабдорон ошкор намуда, барои пешгирии амалҳои коррупсионӣ чораҳои зарурӣ андешидаанд, ки ин низ нишона аз дӯст доштани Ватани аҷдодиамон мебошад.
Хулоса, ҷавонони Тоҷикистон шарафманданд, ки давлату ҳукумат махсусан Пешвои миллат ба нерӯйи онҳо боварӣ доранд.
Расулов Ғолиб, мудири шуъбаи табиғот ва иттилооти Кумитаи иҷрояи ҲХДТ дар ноҳияи Ёвон
