НОРАК. Тибқи Низомнома оид ба баргузории мусобиқаи Футбол барои дарёфти “Ҷоми ҲХДТ” бахшида ба ҷашни 30- солагии Истиқлолияти давлатии Ҷумҳурии Тоҷикистон, мусобиқаи Футбол марҳилаи III байни дастаҳои шаҳри Норак ва ноҳияи Қубодиён баргузор шуд, дар мусобиқаи Футбол, намояндагони Кумитаи иҷроияи ҲХДТ дар вилояти Хатлон, шаҳри Норак ва ноҳияи Қубодиён ширкат варзиданд.
Масъулини ҳизб пеш аз оғози мусобиқа ба бозингарони мусобиқа қайд намуданд, ки мақсади ин мусобиқа пеш аз ҳама ташвиқу тарғиби васеи бозии футбол дар байни аҳолии кишвар ва мустаҳкам намудани алоқаи дӯстӣ миёни ҷавонон мебошад.
Сипас, бозии футбол шуруъ шуда, бо ҳисоби 3:0 ба фоидаи дастаи шаҳри Норак анҷом ёфт.
