ВОСЕЪ. Бо мақсади иҷрои дастуру супоришҳои роҳбарияти мақомотҳои болоии ҳизбӣ ҷиҳати истиқболи сазовори ҷашни 30- солагии Истиқлолияти давлатии Ҷумҳурии Тоҷикистон, бо иштироки кормандони Кумитаи иҷроияи ноҳиявии ҳизбӣ ва бо ҷалби аъзову ҷонибдорони ҲХДТ дар оромгоҳи деҳаи Шоҳбикаи ҷамоати деҳоти Тугараки ноҳияи Восеъ, Амалиёти умумивилоятии Аксияи ҳизбӣ таҳти унвони “Рӯзи ёдоварӣ” баргузор гардид.
Дар баргузории аксияи мазкур зиёда аз 153 нафар мардуми деҳаи номбурда дар тоза намудани дохил ва беруни оромгоҳ аз алафҳои бегона ва худрӯй саҳми муносиби худро гузоштанд.
Қайд намудан ба маврид аст, ки аксияи мазкур аз ҷониби сокинон хуб пазируфта шудааст ва охири ҳар моҳ қариб дар ҳамаи маҳаллаҳои ҳудуди ноҳия амалиёти номбурда дар сатҳи баланд роҳандозӣ карда мешавад.
