ЁВОН. Бо мақсади сазовор таҷлил намудани ҷашни муқаддаси миллӣ 30-солагии Истиқлолияти давлати Ҷумҳурии Тоҷикистон аз ҷониби Кумитаи иҷроияи ҲХДТ дар ноҳияи Ёвон нақша- чорабиниҳо таҳия гардида, дар ин самт корҳо бо маром идома дорад.
Яке аз чунин иқдомҳои наҷиб ин баргузор намудани суҳбату вохӯриҳо бо занони собиқадор ва фаъоли ноҳия мебошад. Ин навбат аз ҷониби муовини раиси Кумитаи иҷроияи ҲХДТ дар ноҳия Абдуллозода Саёҳат бо занону бонувони Коллеҷи Технологӣ-фарматсевтии Тоҷикистон дар доираи нақша чорабиниҳо зери унвони “Нақши занон дар таҳкими Истиқлолият” доир карда шуд. Иброз карда шуд, ки нақши занон дар таҳкими Истиқлолият басо бузург буда, ҳар як шаҳрвандро тақозо менамояд, ки ба қадри ин неъмати бебаҳо бояд расид ва чун гавҳараки чашм ҳифз намоем.
