ЛЕВАКАНТ. Бахшида ба 30-солагии Истиқлолияти давлатии Ҷумҳурии Тоҷикистон ва ҷиҳати дар амал татбиқ намудани аксияи ҳизбии «Якҷоя месозем!» бо дастгирии узви фаъоли ҲХДТ, соҳибкори маҳаллӣ, раиси хоҷагии деҳқонии "Боҳтуробод" Б.Вализода дар ҳамкорӣ бо кормандони ташкилоти ибтидоии ҳизбии ҷамоати деҳоти “Гулистон” қисмати роҳи ҳудуди деҳаи Тоҷиронро сангафарш намуданд.
Зимни баргузории Аксияи ҳизбӣ намояндагони Кумитаи иҷроияи ҲХДТ дар шаҳри Левакант доир ба самтҳои афзалиятноки фаъолияти ҳизб суҳбат ороста, иқдоми шахсони саховатмандро саривақтӣ ҳисобида, иброз доштанд, ки ҳар шахси ватандӯст бояд баҳри ободии маҳали зист саҳми арзандаи хешро гузорад.
