ШАҲРИТУС. Даври дуюми мусобиқаи Футболи хурд барои дарёфти “Ҷоми ҲХДТ” миёни ҷавонони деҳаву маҳаллаҳои ноҳияи Шаҳритус ба ифтихори ҷашни 30 – солагии Истиқлолияти давлатӣ шурӯъ шуд.
Мусобиқаи футболи хурд байни деҳаи Сайёд ва деҳаи Чуянчӣ баргузор гардида, дар ин мусобиқа масъулини Кумитаи иҷроияи ҲХДТ дар ноҳия иштирок доштанд. Намояндагони ҳизбӣ пеш аз оғози мусобиқа бо бозингарони дастаҳо вохӯрӣ анҷом дода, зимни суҳбат зикр намуданд, ки роҳандозии чунин чорабиниҳои варзишӣ бо мақсади тарғибу ташвиқи тарзи ҳаёти солим, ҷалби шаҳрвандон ба тарбияи ҷисмонӣ ва варзиш мебошад. Дар ин мусобиқа рақобат миёни дастаи деҳаи Сайёд ва деҳаи Чуянчӣ доир гардид, ки натиҷа 2 бар 0 ба фоидаи дастаи деҳаи Сайёд гардид.
