Н.ХУСРАВ. Бо мақсади ба соли хониши нав омода намудани муассисаҳои таълимӣ дар ноҳияи Носири Хусрав корҳои таъмиру тармими синфхонаҳо ва қисми берунии биноҳои муассисаҳои таълимӣ роҳандозӣ гардида, аз таъмир бароварда шуданд.
Бинои муассисаи таҳсилоти миёнаи умумии № 10 ду ошёна буда, ҳамчун муассисаи замонавӣ дар замони шӯравӣ сохта ба истифода дода шуда буд. Муассисаи номбурда яке аз муассисаҳои калонтарини ноҳия ба ҳисоб меравад. Соли ҷорӣ бо ташаббуси вакили Маҷлиси вакилони халқи ноҳия Мустафоқулова Моҳира ва дастгирии волидайн бинои муассиса аз таъмири ҷорӣ бароварда шуда, ба соли таҳсили нав пурра омода мебошад. Омӯзгорон ба кор баромада, синфхонаҳоро мизу курсӣ ва асбобоҳои аёнии фаннӣ оро дода истодаанд. Дар маҷмӯъ ҳамаи муассисаҳои таълимии ноҳия низ таъмиру тармим карда шуда, ба соли нави таҳсил пурра омода мебошанд.
