ҲАМАДОНӢ. Намояндагони Кумитаи иҷроияи ҲХДТ дар ноҳияи Мир Сайид Алии Ҳамадонӣ бо мақсади пешгирии бемории сироятии коронавирус бо кормандони нозироти андоз суҳбат гузарониданд.
Намояндаи Кумитаи иҷроияи ноҳия Сайдалиев Гадоӣ зимни суҳбат бо кормандон қайд кард, ки бояд қоидаҳои беҳдошти саломатӣ, масофаи иҷтимоиро риоя кардан, зуд – зуд дастонро бо маҳлулҳои антисептикӣ безарар гардонидан, қоидаҳои истифодабарии ниқобро риоя кардан, то бартараф шудани хавфи беморӣ аз меҳмонӣ рафтан худдорӣ кардан, танҳо ба кӯча бо ниқоб баромадан, тариқи дастфишорӣ салом накардан, риоя карда шавад.
Аз ҷониби намояндагони Кумитаи иҷроияи ҲХДТ дар ноҳия варақаҳои таблиғотӣ оиди пешгирии бемории сирояти коронавирус ба кормандон дастрас карда шуд.
