ПАНҶ. Бо мақсади иҷрои дастуру супоришҳои Раиси муаззами ҲХДТ муҳтарам Эмомалӣ Раҳмон, ки солҳои 2019-2021-ро «Солҳои рушди деҳот, сайёҳӣ ва ҳунарҳои мардумӣ» эълон намудааст, кормандони Кумитаи иҷроияи ҲХДТ дар ноҳияи Панҷ вобаста ба тақвият бахшидани фаъолияти ҳунармандон, аз ҷумла ҳавасмандгардонии духтарон дар ин самт тариқи ташкили чорабиниҳои гуногуни шавқангез ва дар ин замина сазовор ҷашн гирифтани 30-солагии Истиқлолияти давлатии Ҷумҳурии Тоҷикистон дар ҷамоати шаҳраки Панҷ, дар ташкилоти ибтидоии ҳизбии “Атавулоев” намоиши ҳунарҳои мардумӣ гузаронида шуд. Дар чорабинии мазкур кормандони Кумитаи иҷроияи ноҳиявии ҳизб иштирок дошта, аз ҳунару маҳорати ҳунармандон аз наздик шинос шуда, ба онҳо барои сайқал додани касбу ҳунарҳои миллӣ маслиҳатҳои судманд доданд.
