ПАНҶ. Дар ташкилоти ибтидоии ҳизбии «Маорифчиён» бахшида ба эълон гардидани Солҳои рушди деҳот, сайёҳӣ ва ҳунарҳои мардумӣ намоиши ҳунарҳои мардумӣ баргузор гардид.
Зимни боздид узви Кумитаи Иҷроияи Марказии ҲХДТ, раиси ноҳия Панҷ Шоҳиён Зарифхӯҷа Фақер, раиси Кумитаи иҷроияи ҲХДТ дар ноҳияи Панҷ Файзизода Каримҷон ва роҳбарони мақомотҳои ҳифзи ҳуқуқ аз маҳсули меҳнати дастии ҳунармандон дидан намуда, бо ҳунармандон суҳбат анҷом дод. Раиси ноҳия зимни суҳбат қайд кард, ки ҳунарҳои мардумӣ чун неъмати бебаҳост, дар тӯли қарнҳо бо талошу заҳмат ва муҳаббати самимии ниёгони мо зинда нигоҳ дошта, имрўз то ба мо омада расидаанд. Пас вазифаи якояки мо шаҳрвандон аз он иборат аст, то ин ҳама меъроси фарҳангиро хуб нигоҳ дорему бо таҳкиму рушд бахшидан, онро ба наслҳои минбаъда мерос гузорем.
