ШАҲРИТУС. Даври дуюми мусобиқаи Футболи хурд барои дарёфти “Ҷоми ҲХДТ” миёни ҷавонони деҳаву маҳаллаҳои ноҳияи Шаҳритуз ба ифтихори ҷашни 30 – солагии Истиқлолияти давлатӣ шурӯъ шуд.
Мусобиқаи футбол байни маҳаллаи Истиқлол ва маҳаллаи Наврӯз баргузор гардид.
Дар ин мусобиқа масъулини Кумитаи иҷроияи ҲХДТ дар ноҳия дар якҷоягӣ бо намояндагони Башхи кор бо ҷавонон ва варзиши ноҳия иштирок намуда, пеш аз оғози мусобиқа ба иштироккунандагон зикр намуданд, ки роҳандозии чунин чорабиниҳо бо мақсади тарғибу ташвиқи тарзи ҳаёти солим, ҷалби шаҳрвандон ба тарбияи ҷисмонӣ ва варзиш мебошад. Дар ин мусобиқа рақобат миёни дастаи маҳаллаи Истиқлол ва дастаи маҳаллаи Наврӯз доир гардид, ки натиҷа 4 бар 1 ба фоидаи дастаи маҳаллаи Истиқлол гардид.
