ПАНҶ. Дирӯз аз ҷониби кормандони масъули Кумитаи иҷроияи Ҳизби Халқии Демократии Тоҷикистон дар ноҳияи Панҷ дар маҳаллаи Фирдавсии ҷамоати шаҳраки Панҷ бо усули “кӯча ба кӯча” дар кӯчаву роҳравҳои маҳалла, ки сокинон бениқоб сайругашт мекарданд, баҳри пешгирии паҳншавии бемории сироятии коронавирус маводҳо, аз қабили ниқобҳои тиббӣ, варақаҳои иттилоотӣ ва маҳлулҳои безараргардонӣ тақсим карда шуд. Инчунин, миёни сокинон корҳои фаҳмондадиҳӣ гузаронида шуда, аз ҷониби масъулини Кумитаи иҷроияи ноҳия қайд карда шуд, ки гигиенаи шахсиро риоя намуда, дар ҷойҳои серодам аз ниқобҳои тиббӣ истифода намоянд.
