ВОСЕЪ. Бо кормандони боғчаи №1 –и ноҳияи Восеъ дар мавзӯи пешгирии бемориҳои сироятӣ, иҷрои Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” вохӯрӣ гузаронида шуд.
Мутасаддиёни Кумитаи иҷроияи ҲХДТ дар ноҳия зимни суҳбат қайд намуданд, ки барои пешгирии бемории сироятӣ ҳамарӯза корҳои оммафаҳмонӣ доир гардида истодааст. Шаҳрвандонро зарур аст, ки талаботҳои гигиениро риоя намуда, саҳми худро дар пешгирии бемориҳои сироятӣ гузоранд.
Бобати иҷрои талаботи Қонунҳои Ҷумҳурии Тоҷикистон “Дар бораи танзими анъана ва ҷашну маросим дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” баромадҳо карда шуда, ҷамъомадагон барои риояи талаботи қонанҳои миллӣ раҳнамоӣ гардиданд.
