Ҷ.БАЛХӢ. Бо мақсади дар сатҳи зарурӣ ба роҳ мондани корҳои таблиғотию ташвиқотӣ ва тарзи дуруст интишор намудани маводҳои хабарӣ дар шабакаҳои иҷтимоӣ ва сомонаи ҳизбӣ, аз ҷумла Facebook бо иштироки кормандони Кумитаи иҷроияи ҲХДТ дар ноҳияи Ҷалолиддини Балхӣ семинар-машварати омӯзишӣ баргузор гардид.
Зимни баргузории семинар Моҳинави Қурбонмад масъули интишори маводҳои хабарӣ оид ба тарзи дуруст интишор намудани маводҳои хабарӣ тибқи рӯйхати пешниҳодгардидаи КИВ тариқи компютер ва телефонҳои мобилӣ суханронӣ намуда, иброз дошт, ки барои васеъ паҳн намудани маводҳои хабарии ҳизбӣ ҳар яки моро зарур аст, дар интишори маводҳо бетарафӣ зоҳир нанамуда, маводҳои тибқи рӯйхати Кумитаи иҷроияи вилоятӣ пешниҳодгардидаро ба дӯстони маҷозии худ ва гурӯҳҳое, ки аъзои васеъро дар бар мегиранд, паҳн намоем.
