КӮШОНИЁН. Тибқи Низомномаи баргузории мусобиқаи Футболи хурд барои дарёфти Ҷоми “Ҳизби Халқии Тоҷикистон” бахшида ба 30- солагии Истиқлолияти давлатии Ҷумҳурии Тоҷикистон даври аввали марҳилаи интихобии 1-ум дар ноҳияи Кӯшониён баргузор гардид.
Мусобиқаи Футбол байни деҳаҳои ҳудуди Ҷамоати деҳоти Заргар баргузор гардида истодааст. Дар ин мусобиқа намояндагони Кумитаи иҷроияи ҲХДТ дар ноҳияи Кӯшониён иштирок намуда, пеш аз оғози мусобиқа ба иштироккунандагон зикр намуданд, ки роҳандозии чунин чорабиниҳо бо мақсади тарғибу ташвиқи тарзи ҳаёти солим, ҷалби шаҳрвандон ба тарбияи ҷисмонӣ ва варзиш мебошад.
