ПАНҶ. Ба истиқболи ҷашни пурифтихори 30-солагии Истиқлолияти давлатии Ҷумҳурии Тоҷикистон корҳои созандагию ободонӣ дар ноҳияи Панҷ рӯз то рӯз вусъат ёфта истодаанд, ки дар ин ҷода саҳми соҳибкорони маҳаллӣ хеле калон ва шоистаи таҳсин аст. Дар ҳамин доира бо ташаббуси Кумитаи иҷроияи ҲХДТ дар ноҳияи Панҷ ва саҳми ҷонибдорон ва фаъолони ҳизб дар ташкилоти ибтидоии ҳизбии «Ҷавонон»-и ҷамоати деҳоти ба номи Кабут Сайфутдинов аз ҷониби аъзои ҳизб ташкилоти ибтидоии ҳизбии «Роҳсоз» роҳи марказии маҳалла мумфарш карда шуд.
Имрӯзҳо тамоми сокинони ноҳия тавассути ҳашарҳои муташаккилона дар ҳар як кӯчаву маҳалла даст ба корҳои созандагӣ зада, дар ободонии диёри худ саҳм мегузоранд. Ҳамдиёрони азиз, ободу зебо гардонидани дару хонаи ҳар яки шумо туҳфаи арзанда ба ҷашни бузурги Истиқлолият аст.
Дар охир, ҷиҳати роҳандозии Аксияи тарғиботи амалии “Якҷоя ҳал мекунем!” аъзоёни ташкилоти ибтидоии “Роҳсоз” дар таъмиру тармим намудани роҳҳои автомобилгарди дохили шаҳраки Панҷ ҳиссагузор шуда, 200 метри онро асфалтпўш намуданд.
