ҶАЙҲУН. Ҷиҳати иҷрои банди 24-и нақшаи кории Кумитаи иҷроияи Ҳизби Халқии Демократии Тоҷикистон дар ноҳияи Ҷайҳун, мудири шуъбаи таблиғот ва ташвиқоти Кумитаи иҷроияи ҲХДТ дар ноҳия Сайфулоев Раҳмиддин бо масъулини ташкилоти ибтидоии ҳизбии “Амонатбонк” ҳамсуҳбат гардида, аз рафти фаъолият ва ҳуҷҷатгузории ин ташкилот дидан намуд.
Зимни боздид, номбурда аз рафти корҳои ҳизбӣ шинос шуда, оиди бартараф намудани камбудиҳои ҷойдошта ва роҳҳои дурусти ҳуҷҷатгузорӣ тибқи “Роҳнамо барои ташкилотҳои ҳизбӣ” маслиҳатҳои муфид дод. Инчунин, таъкид гардид, ки минбаъд ташкилоти ибтидоии ҳизбӣ бо Кумитаи иҷроияи ноҳия дар ҳамкории зич қарор дошта бошад.