ҶАЙҲУН. Бо ташаббуси Кумитаи иҷроияи ҲХДТ дар ноҳия ва ташкилоти ибтидоии ҳизбии “Куҳдоман” воқеъ дар ҷамоати деҳоти Панҷ аксияи ҳизбӣ таҳти унвони «Якҷоя ҳал мекунем!» ва «Якҷоя месозем!» баргузор гардид.
Кормандони Кумитаи иҷроияи ҳизб зимни чорабинӣ дар назди сокинон ва фаъолони ҳизб оид ба ҳадафҳои пайгиронаи ҲХДТ дар татбиқи ҳадафу вазифаҳои муайянгардидаи солҳои 2019-2021 эълон гардидани “Солҳои рушди деҳот, сайёҳӣ ва ҳунарҳои мардумӣ” ва саҳм гузоштан дар истиқболи ҷашни 30- солагии Истиқлолияти давлатии Ҷумҳурии Тоҷикистон андешаронӣ карда, зикр намуданд, ки вазифаи ҳар як фарди ватандӯст саҳм гузоштанд барои боз ҳам ободу зебо гардидани Ватани азизамон мебошад.
