ДАНҒАРА. Дар доираи нақша – чорабиниҳо масъулини Кумитаи иҷроияи ҲХДТ дар ноҳияи Данғара, баҳри беҳдошти зисту зиндагонии мардум бетараф набуда, бо усули “хона ба хона” оид ба самаранок истифодабарии заминҳои наздиҳавлигӣ ва пешгирии бемории коронавирус бо аҳолӣ суҳбат оростанд. Зимни суҳбат таваҷҷуҳи сокинон ба истифодаи самараноки замин ҷалб карда шуда, мсъулин иброз доштанд, ки барои беҳдошти зиндагии худ ва пайвандон ба кишту кори такрорӣ саҳми назаррас гузоред. Зеро меҳнати арзанда самараи хуб ба бор оварда, сатҳи рӯзгори ҳар сокини кишвар беҳтар мегардад . Дар баробари ин масъулин сокинонро барои риояи қоидаҳои беҳдоштӣ ҳушдор месозанд.
