ВОСЕЪ. Барои самаранок ва оқилона истифода бурдани замин Худоёрзода Алихон вакили Маҷлиси вакилони халқи ноҳияи Восеъ, аъзои ҲХДТ бо фаъолон ва кишоварзони ҷамоати деҳоти Тугарак вохӯрӣ доир намуданд. Дар ин вохӯрӣ таъкид гардид, ки дар давраи паҳншавии бемории сироятии коронавирус зарурати барзиёд истеҳсол намудани маҳсулоти кишоварзӣ ва нигоҳ доштани арзиши маҳсулоти худӣ мебошад. Дар ин ҷода моро зарур аст, ки бо истифода аз тухмиҳои хушсифат ҳар як ваҷаб заминро самаранок истифода намоему кишти такрориро пурра гузаронем.
Гуфта шуд, ки дар сурати бештар истеҳсол намудани маҳсулоти кишоварзӣ мо метавонем афзоиши нархи маҳсулотро дар мамлакат коҳиш диҳем.
