Кӯшониён. Тибқи нақшаи кории Кумитаи иҷроияи Ҳизби Халқии Демократии Тоҷикистон дар ноҳияи Кӯшониён дар ташкилоти ибтидоии ҳизбии “Беморхонаи марказӣ” маҷлиси ҳисоботӣ – интихоботӣ бо иштироки мудири шуъбаи таблиғот ва ташвиқоти дастгоҳи Кумитаи иҷроияи Марказии ҳизб Ҳамидиён И., мутахасиси шуъбаи ташкилӣ ва кор бо кадрҳои дастгоҳи Кумитаи иҷроияи Марказии ҲХДТ Суфизода Ш., мудири шуъбаи ташкилӣ ва кор бо кадрҳои КИ ҲХДТ дар вилояти Хатлон Ишмуродов Ҳ., раиси КИ ҲХДТ дар ноҳияи Кӯшониён Шомалангова М. баргузор карда шуд.
Маҷлисро раиси ташкилоти ибтидоӣ ҳусни ифтитоҳ бахшида, ҳозиринро бо рӯзномаи маҷлис шинос намуд. Дар ин раванд, ҳисоботи раиси ташкилоти ибтидоии “Беморхонаи марказӣ” аз рӯи фаъолияти кории ташкилоти ибтидоӣ шунида шуда, вазифаҳо барои нимсолаи дуюми соли 2021 муайян гардиданд.