ҶАЙҲУН: Имрӯз бо иштироки раиси Кумитаи иҷроияи ҲХДТ дар ноҳия Ҳасанзода Тағоймурод дар ташкилоти ибтидоии ҳизбии “Зарзамин” маҷлиси ҳисоботӣ-интихоботӣ баргузор гардид.
Маҷлисро масъулини ташкилоти ибтидоии ҳизбӣ оғоз бахшида, аз рӯи масъалаи якум оид ба фаъолияти ташкилот дар шашамоҳаи аввали соли 2021 ҳисобот доданд. Бо пешниҳод ва тарафдории аксарияти иштирокдорон директори тозатаъини КДФ “БММҒ” дар ноҳияи Ҷайҳун Саторзода. С раиси ташкилоти ибтидоии ҳизбии “Зарзамин” интихоб гардид.
Сипас раиси Кумитаи иҷроияи ҲХДТ дар ноҳия Ҳасанзода Тағоймурод баромад намуда, оид ба ҳадафҳои Барномавӣ ҲХДТ, вазифаҳои ташкилоти ибтидоӣ, пардохти саривақтии ҳаққӣ узвият, дуруст ба роҳ мондани ҳуҷҷатгузорӣ дар назди ташкилоти ибтидоии ҳизбӣ ва ҷиҳати сазовор ҷашн гирифтани 30-солагии Истиқлолияти давлатии Ҷумҳурии Тоҷикистон баромад кард.
