КӮЛОБ: Бо иштироки масъулини Кумита – Мунаввараи Бозоралӣ ва Умраҷон Саидов ҷиҳати тақвият бахшидани ҳуҷҷатҳои ҳизбӣ, супоридани саривақтии ҳаққи узвият ва мавҷудияти шаҳодатномаи ҳизбӣ дар ташкилоти ибтидоии ҳизбӣ ва тарзи нигоҳ доштани он бо роҳбарони ташкилотҳои ибтидоии ҳизбӣ вуохӯрӣ доир гардид.
Дар вохӯрии мазкур масъулини ҳизбӣ ҷиҳати баланд бардоштани масъулияти ҳар як аъзои ҳизб ва ба ин восита муайян намудани мавҷудияти шаҳодатномаи ҳизбӣ, инчунин сари вақт пардохт намудани ҳаққи узвият дар ташкилотҳои ибтидоии ҳизбӣ ибрози андеша намуда, ҷиҳати бартараф намудан камбудиҳои ҷойдошта дар ташкилотҳои ибтидоӣ маслиҳатҳои муфид дода, таъкид намуданд, ки ҳуҷҷатгузорӣ дар ташкилотҳои ибтидоии ҳизбӣ тибқи Оиннома ва Барномаи Ҳизби Халқии Демократии Тоҷикистон ба роҳ монда шавад.
