КӮЛОБ: Ҳамарӯза дар асоси дастуру супоришҳои Раиси шаҳри Кӯлоб, узви Раёсати Кумитаи иҷроияи Марказии ҲХДТ – Вализода Абдуқодир Исуф аз ҷониби масъулини корхонаю идораҳо бо усули “Хона ба хона” миёни аҳолии аз офати табиӣ зарадида корҳои фаҳмонидадиҳӣ роҳандозӣ карда мешавад.
Дар ин росто аз ҷониби корманди масъули КИ ҲХДТ дар шаҳри Кӯлоб – Саъбагул Валиева дар якҷоягӣ бо мудири шуъбаи кор бо занон ва оилаи МИҲД-и шаҳри Кӯлоб - Фаришта Нозимова дар маҳаллаи “Содиқов”-и шаҳр бо сокинони осебдида аз офати табии сӯҳбату вохӯрӣ анҷом дода шуд.
Дар раванди суҳбат бо бо сокинон гуфта шуд, ки доимо давлату Ҳукумат ва Роҳбарияти Олии кишвар дар ҳама вазъият паҳлуи мардум ҳастанду дар доираи имкониятҳо ба онҳо дасти кӯмак расонида мешавад.
