Ҷ.БАЛХӢ: Тибқи дастуру супоришҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон, омодагӣ ба фасли зимистон бо ташаббуси Кумитаи иҷроияи нощиявии ҳизб дар ҷамоати деҳоти Ҳалевард, корҳои фаҳмонидадиҳӣ бо усули “Хона ба хона” гузаронида шуд. Дар сӯҳбатҳои рӯ ба рӯ масъулин оид ба самаранок истифодабарии қитъаҳои заминҳои наздиҳавлигӣ, истеҳсоли маҳсулоти хушсифат ва омода кардани банкаҳои консерва аз мевагӣ ва сабзавот ибрози андеша намуданд. Бо мақсади таъмини дастархонҳо бо хӯришҳои гуногун дар фасли сармо занҳои маҳаллӣ чораҳои заруриро андешида истодаанд ва аз маҳсулотҳои замини наздиҳавлии худ, захираи хуришҳои гуногун барои фасли зимистон омода намуда истодаанд.
