Панҷ. Бо ташаббуси Кумитаи иҷроияи Ҳизби Ҳалқии Демократии Тоҷикистон дар ноҳияи Панҷ дар ташкилоти ибтидоии ҳизбии «Хасани Шер» намоиши ҳунарҳои мардумӣ баргузор гардида, маҳсули дасти ҳунармандон ба марази тамошо гузошта шудаанд.
Зимни боздид масъулини Кумитаи иҷроия бо ҳунармандон суҳбат намуда, қайд карда шуд, ки ҳунарҳои мардумӣ чун неъмати бебаҳост, ки тӯли қарнҳо бо талошу заҳмат ва муҳаббати самимӣ ниёгони мо онро зинда нигоҳ дошта, имрӯз ба мо расидаанд. Пас вазифаи якояки мо шаҳрвандон аз он иборат аст, ки ин ҳама мероси фарҳангиро хуб нигоҳ дорем ва бо таҳкиму рушд бахшидан, онро ба наслҳои минбаъда мерос гузорем.
