Н.ХУСРАВ. Масъулини Кумитаи иҷроияи ҲХДТ дар ноҳияи Носири Хусрав ҷиҳати иҷрои супоришҳои роҳбарияти болоии ҳизб вобаста ба афзоиш додани истеҳсоли маҳсулоти кишоварзӣ, захираи кофии маводи хӯрока, истифодаи самараноки обу заминҳои корам ва наздиҳавлигию Президентӣ дар асоси дастуру ҳидоятҳои Пешвои миллат муҳтарам Эмомалӣ Раҳмон, ҳамарӯза дар деҳот корҳои фаҳмондидиҳиро роҳандозь намуда, аз ҳар як оила, хоҷагиҳои деҳқонӣ дидан намуда, истифодаи самараноки замин, истеҳсолу захира ва ҷамъоварии зироатҳоли кишрварзии сокинонро дида баромада истодаанд.
Ин навбат масъулин дар ҳудуди ҷамоати деҳоти Наврӯз хонаҳои сокинони деҳаҳо ва заминҳои хоҷагиҳои деҳқониро санҷида баромада, бо сокинон суҳбату вохӯриҳо анҷом доданд. Инчунин, рафти ҷамъоварии маҳсулоти кишоварзиро дар заминҳои хоҷагии деҳконии ҳудуди ҷамоат, аз ҷумла пиёз ва кишти такрории маҳсулотро дидан намуданд. Вобаста ба вусъати корҳои созандагию ободонӣ ба истиқболи сазовори 30- солагии Истиқлолияти давлатӣ, татбиқии ҳатмии қонунҳои Ҷумҳурии Тоҷикистон
«Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» мулоқоту суҳбатҳо баргузор намуданд.
Бо назардошти вазъи мураккаби ҷаҳони имрӯза таъкид намуданд, ки кишти такрории зироатҳоро ба роҳ монда, захира ва ҷамъоварии маводи хӯрокаро афзун намоянд то ин ки аз норасогии маводи ғизоӣ танқисӣ ва муҳтоҷӣ накашад.
