Ҷ.БАЛХӢ. Бо иштироки масъулини Кумитаи иҷроия дар ноҳияи Ҷалолиддини Балхӣ дар деҳаи Айнии ҷамоати деҳоти Навобод корҳои фаҳмонидадиҳӣ бо усули “хона ба хона” гузаронида шуд.
Дар суҳбатҳои рӯ ба рӯ масъулин оид ба пешгирӣ аз бомориҳои сироятӣ, самаранок истифодабарии қитъаҳои заминҳои наздиҳавлигӣ, истеҳсоли маҳсулоти хушсифат ва омода кардани банкаҳои консерва аз мевагӣ ва сабзавот ибрози андеша намуданд. Аз ҷумла иброз доштанд, ки ҳар як ваҷаб заминро бояд самаранок истифода бурда, кӯшиш кунем то, ки дар як сол то се -чор ҳосил ба даст оварем. Аз ҷониби масъулин доир ба даст овардани ҳосилнокии замин ва маҳсулоти хушсифат баъзе маслиҳатҳои муфид дода шуд.
