ҶАЙҲУН. Бо мақсади дар сатҳи баланди ташкилӣ таҷлил намудани “Рӯзи ҷавонони Тоҷикистон” бо иштироки масъулини Кумитаи иҷроияи ҲХДТ дар ноҳияи Ҷайҳун, дар муассисаи таҳсилоти миёнаи умумии №1-и ҷамоати шаҳраки Дӯстӣ бо хонандагони синфҳои болоӣ суҳбату вохӯрӣ доир гардид.
Зимни суҳбат қайд гардид, ки ҷавонон дар ҳама давру замон нерӯи пешбарандаи ҷомеа ба ҳисоб мераванд. Вобаста ба ин, Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин таъкид кардаанд: “Имрӯз ҷавонони мо бо азму иродаи қавӣ ва бо завқи баланд илму донишҳои муосирро азхуд намуда, дар соҳаҳои гуногуни ҳаёти давлату ҷомеа ва ба хотири рушди кишвари маҳбубамон саъю талоши фаъолона доранд ва аз ин рӯ, имрӯз рушди сиёсиву иктисодӣ ва иҷтимоиву фарҳанги ягон давлатро бе иштироки фаъолонаи ҷавонон тасаввур кардан аз имкон берун аст”.
Инчунин, аз хонандагон даъват ба амал оварда шуд, ки дар озмунҳои ҷумҳуриявии «Фурӯғи субҳи доноӣ китоб аст», «Тоҷикистон – Ватани азизи ман» ва «Илм фурӯғи маърифат» иштирок намоянд.
