ТЕМУРМАЛИК. Бо ташаббуси намояндагии ТҶҶ “Созандагони Ватан” дар муассисаи таҳсилоти миёнаи умумии №41 – и ҷамоати деҳоти Ҳусайнободи ноҳияи Темурмалик дар ҳайати раиси Кумитаи иҷроияи ҲХДТ дар ноҳияи Темурмалик Раҷабзода Маҳмадсаид, мудири шуъбаи таблиғот ва иттилооти Кумитаи иҷроия Абдулманонов Сорбон вохӯрӣ доир гардид. Зимни мулоқот қайд карда шуд, ки ҳадафи асосии ҲХДТ созандаву бунёдкор буда, дар ин росто дар руҳияи баланди миллӣ, садоқат ба давлату миллат, таҳаммулгароӣ, ватандӯстиву хештаншиносӣ ва пос доштани арзишҳои миллӣ тарбия намудани ҷавонон вазифаи муҳимтарини ҳамаи сохтору мақомот ва аҳли ҷомеа мебошад.
Инчунин, дар мавзӯи Оиннома ва Барномаи намояндагии ТҶҶ «Созандагони Ватан » ва низомномаи озмунҳои «Тоҷикистон - Ватани азизи ман» , «Илм – фурӯғи маърифат» ва «Фурӯғи субҳи доноӣ китоб аст» андешаронӣ карда шуда, ҷамъомадагон барои иштироки фаъолона кардан дар озмунҳои мазкур ҳидоят карда шуданд.
