КӮЛОБ. Аз ҷониби раиси Кумитаи иҷроияи Ҳизби Халқии Демократии Тоҷикистон дар шаҳри Кӯлоб Гулрухсор Шарифзода дар маҳаллаи “Содиқов”- и шаҳр бо сокинони осебдида аз офати табиӣ суҳбату вохӯрӣ анҷом дода шуд.
Зимни суҳбат бо сокинони аз офати табиӣ зарардида, Гулрухсор Шарифзода изҳор доштанд, ки ҳар як хонаводаи осебдида зери таваҷҷуҳи ҳамешагии Раиси муаззами ҲХДТ қарор дорад ва пайваста аз ҷониби давлату ҳукумат ва шахсони саховатпеша дар бартараф намудани оқибатҳои офати табиӣ дасгирӣ меёбанд.
