ХУРОСОН. Ҷиҳати дасти кумак расонидан ба шахсони ятиму бепарастор, барҷомондагон ва шахсони ниёзманд дар доиари Аксияи ҳизбии “Якҷоя ҳал мекунем!” ба як оилаи ниёзманд аз ҷамоати деҳоти Ғаллаободи ноҳияи Хуросон Мирзоев Мирзошариф кумаки маводи хӯрока ба маблағи 1270 сомонӣ ва маблағи нақдии 3300 сомонӣ ҷамъ ба маблағи 4570 сомонӣ расонида шуд.
Бояд гуфт, ки дастгирии табақаи ниёзманд дар меҳвари сиёсати иҷтимоии Ҳукумати мамлакат қарор дошта, дар пайравӣ ба эҳсонкориҳои Пешвои муаззами миллат муҳтарам Эмомалӣ Раҳмон, пайваста аз ҷониби шахсони саховатманд, соҳибкорони ватандӯст чунин амалҳои нек анҷом дода мешавад.
