КӮЛОБ. Ҷамъияти сокинони деҳаи Хонаободи ҷамоати деҳоти Даҳанаи шаҳри Кӯлоб ҷиҳати бартарафсозии оқибатҳои офати табиӣ ба маҳаллаи “С. Даминзода” равона шуда, хонаҳои сокинони маҳаллаи болозикрро аз харобиҳои офати табиӣ тоза карданд.
Ҳамчунин, аз ҷониби сокинони деҳаи болозикр дар партави сиёсати башардӯстонаи Асосгузори сулҳу ваҳдати миллӣ - Пешвои миллат, Раиси муаззами ҲХДТ, Президенти мамлакат муҳтарам Эмомалӣ Раҳмон зери шиори “Мо Шуморо танҳо намегузорем!” ба суратҳисоби кушодашудаи бонкӣ “Барои расонидани кумак ба осебдидагони шаҳри Кӯлоб аз офати табиӣ” ба маблағи ду ҳазор сомонӣ (2000) кумаки пулӣ расонида шуд.
