ДӮСТӢ. Тибқи нақшаи чорабиниҳои Кумитаи иҷроияи ҲХДТ дар ноҳияи Дӯстӣ, бахшида ба "Рӯзи ҷавонон" бо иштироки кормандони масъули Кумитаи иҷроия байни ҷавонон ва хонандагони фаъол мизи мудаввар зери унвони «Пешвои миллат – ҳомӣ ва роҳнамои ҷавонон» доир карда шуд.
Кормандони ҳизбӣ сараввал иштирокдоронро бо "Рӯзи ҷавонони Тоҷикистон" табрик гуфта, дар бораи саҳми ҷавонон дар ҷомеаи муосир, ҷалби бештари онҳо ба корҳои созандагию ободонӣ ва бедор кардани ҳисси ватандӯстӣ дар замири онҳо баромад карданд.
