ВАХШ. Бо мақсади дар сатҳи баланд таҷлил намудани ҷашни 30-солагии Истиқлолияти давлатӣ, ҷиҳати дастгирии ҳамаҷонибаи иқдоми беназири Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон, дар самти тақдими китоби «Тоҷикон»-и Б. Ғафуров ба ҳар ҳар оилаи кишвар, маҳфил-озмуни «Нақши китоби «Тоҷикон»-и Б. Ғафуров дар шинохти асолати миллӣ» гузаронида мешавад.
Дар ин замина масъулини Кумитаи иҷроияи ҲХДТ дар ноҳияи Вахш, дар муассисаҳои таълимии ноҳия дар байни хонандагони синфҳои 10-11 корҳои фаҳмондадиҳиро ба роҳ монда истодаанд.
Боиси ифтихор аст, ки маҳз ба дастгириҳои маорифпарваронаи Пешвои муаззами миллат, солҳои охир соҳаи китобдорӣ ва илму ирфон тараққӣ карда истодааст.
