Ш.ШОҲИН. Кормандони масъули Кумитаи иҷроияи ноҳиявии ҳизбӣ дар ҳамоҳангии аъзои намояндагии ташкилоти ҷамъиятии ҷавонон «Созандагони Ватан» ва волонтёрони ҳизбӣ ҷиҳати сазовор истиқбол намудан аз Рӯзи ҷавонон ва дар доираи иҷрои саривақтии нақшаи кории Кумитаи иҷроия дар маркази шаҳрак аксияи ҳизбӣ таҳти унвони «Рӯзи ҷавонон муборак, эй ҳамватан!»-ро ташкил ва роҳандозӣ намуданд.
Дар ин роҳпаймоӣ беш аз 30 нафар ихтиёриён ва аъзои намояндагии ТҶҶ «Созандагони Ватан» дар дастҳо парчамҳои ҳизбию давлатӣ ба кӯчаҳои шаҳрак баромада, сокинонро бо Рӯзи ҷавонони Тоҷикистон шодбош намуданд.
