ҲАМАДОНӢ. Кормандони Кумитаи иҷроияи ҲХДТ дар ноҳияи Мир Сайид Алии Ҳамадонӣ дар саҳни муассисаи таҳсилоти миёнаи умумии № 14- и ҷамоати шаҳраки Москва бо иштироки аъзои фаъоли ҳизб, занон, аъзои фаъоли намояндагии ТҶҶ “Созандагони Ватан” аксияи ҳизбии “Тоҷикона мепӯшем” - ро бо мақсади ташвиқу тарғиби фарҳанги миллӣ роҳандозӣ кард.
Дар аксияи ҳизбӣ занони фаъол аз ҷамоатҳои шаҳраку деҳоти Даштигуло, Панҷрӯд, Панҷоб, Москва, аъзои намояндагии ТҶҶ “Созандагони Ватан” аз муассисаҳои таълимии № 54,2,1,17,13,14, гимназия ва литсейи давлатии рақами 1 иштирок доштанд. Иштирокчиёни аксияи ҳизбӣ бо либосҳои миллии чакан, атлас, адрас ва зардӯзӣ ба намоиш ҳозир шуданд.
