ШАҲРИТУС. Оид ба баргузории Озмуни «Мо бо шумоем!» бо ташаббуси Кумитаи иҷроияи ҲХДТ дар ноҳия дар ташкилоти ибтидоии ҳизбии «Шуъбаи маориф» озмуни болозикр дар ҳайати 5 нафар комиссия таъсис дода шуда, бо супориши раиси Кумитаи иҷроияи ҲХДТ дар ноҳияи Шаҳритус тасдиқ гардидааст. Озмуни «Мо бо шумоем!» бо иштироки 33 нафар хонандагони маъюби довталаб дар 3 номинатсия баргузор гардид.
Ҳайати комиссия маҳорати довталабон аз муассисаҳои таҳсилоти миёнаи умумии ноҳияро мавриди санҷиш қарор дода, ғолибони даври якумро дар 3 номинатсия муайян намуданд. Дар номинатсияи маҳорати суханварӣ ва қироати шеър хонандаи синфи 3-и МТМУ №25, маъюби гурӯҳи 1 Ғафуров Масруршоҳ ҷои якумро ишғол намуд. Дар номинатсияи маҳорати сурудхонӣ хонандаи синфи 9 –и МТМУ №4, маъюби гурӯҳи 2 Урунов Фахриддин ҷои якумро ишғол намуд.
Дар номинатсияи маҳорати навохтани асбобҳои мусиқии муосир ва халқӣ хонандаи синфи 4 –и МТМУ №1, маъюби гурӯҳи 1 Панҷиев Саъдулло ҷои якумро ишғол намуд.
