ВОСЕЪ. Бо мақсади бедор намудани ҳисси ҷавонон барои ватандӯстӣ ва ихтиёран сафарбар шудани онҳо барои хизмат ба сафи Қувваҳои мусаллаҳи Ҷумҳурии Тоҷикистон Кумитаи иҷроияи ҲХДТдар ноҳияи Восеъ дар ҳамбастагӣ бо ТҶММ (Ташкилоти ҷамъиятии мададгори мудофиа) миёни хонандагони синфҳои болоии муассисаҳои таҳсилоти миёнаи умумии ноҳия мусобиқаи варзишӣ баргузор намуданд.
Зимнан мусобиқа аз хондани Суруди миллӣ оғоз гардида, аз шартҳои гуногун ба монанди тирпарронӣ, давидан, ҷаҳидан, дуруст ҷобоҷо кардани яроқҳои тирпаронӣ, сангбардорӣ, вазнкашӣ (турник) ва ғайраҳо иборат буд.
Дар мусобиқаи варзишӣ хонандагони муассисаҳои таълимӣ фаъолона иштирок намуданд ва сазовори ҷойи аввал насиби МТМУ №10, ҷойи дуюм насиби МТМУ №13 ва ҷойи сеюм насиби МТМУ №1-и ноҳияи Восеъ гардид. Дар охир ғолибон ва иштирокчиёни фаъол бо медал, ифтихорнома ва туҳфаҳои хотиравӣ қадрдонӣ гардиданд.
