ПАНҶ. Бо мақсади амалӣ намудани ҳидоятҳои Раиси муаззами ҲХДТ муҳтарам Эмомалӣ Раҳмон, ки аз мулоқоташон бо намояндагони ҷомеаи кишвар бармеоянд, бо ибтикори Кумитаи иҷроияи ҲХДТ дар ноҳияи Панҷ бахшида ба моҳи шарифи Рамазон ҷиҳати аёдати оилаҳои ниёзманд ва маъюбон тадбирҳои судманде амалӣ гашта истодааст.
Ин навбат аз ҷониби Кумитаи иҷроия ва ташкилоти ибтидоии ҳизбии «Амонатбонк» ба аёдатшаванда маводи хӯрока, аз қабили орд, равған, биринҷ шириниҳо ва дигар маҳсулотҳои ғизоӣ тақдим карда шуд. Зимни суҳбату мулоқот шахси аёдаткардашуда шукри Истиқлолият шукри Ваҳдати миллӣ намуда, миннатдории хешро барои ғамхориҳои пайвастаи Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон расонида барои устувории истиқлолият, ваҳдату амонӣ ва оромиву шукуфоии Ватани азизамон дасти дуо кушоданд.
