ЛЕВАКАНТ. Дар асоси ҷадвали баргузории мулоқоту вохӯриҳои Кумитаи иҷроияи ҲХДТ дар шаҳри Левакант дар ташкилоти ибтидоии «Фарҳангчиён» бо иштироки фаъолон ва аъзои ҳизб вохӯрӣ гузаронида шуд.
Ҷамъомадро муовини раиси Кумитаи иҷроияи ҲХДТ дар шаҳри Левакант Назарова Фароғат кушода, мақсаду ҳадафи вохӯриро шарҳ дода, ҳамзамон оид ба пешгирӣ аз шомилшавии ҷавонон ба ҳизбу ҳаракатҳои террористиву экстремистӣ, худкушӣ, ҷудошавии оилаҳои ҷавон, тарбияи дурусти фарзанд ва пешгирӣ аз ҳар гуна зуҳуроти номатлуби ҷомеа суханронӣ намуд.
Баъдан мудири шуъбаи таблиғот, иттиллоот ва матбуоти Кумитаи иҷроия Валиев Суҳроб ба сухан баромада, атрофи самтҳои афзалиятноки фаъолияти ҲХДТ, ҳамчунин, оид ба нуктаҳои асосии мулоқоти Асогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 2 июни соли 2018 доир гардид, ибрози андеша намуда, ҷамъомадагонро баҳри дар амал татбиқ намудани сиёсати хирадмандонаи Пешвои миллат ва ҳадафҳои созандаи ҲХДТ раҳнамоӣ кард.
