ДӮСТӢ. Бо ташаббуси Кумитаи иҷроияи ҲХДТ дар ноҳияи Дӯстӣ, бахшида ба Иди шарифи Рамазон, дар оромгоҳи деҳаи Шаҳдрези ҷамоати деҳоти Ҷиликӯл, Аксияи ҳизбии "Рӯзи ёдоварӣ" гузаронида шуд.
Дар аксияи мазкур кормандони масъули Кумита, аъзову тарафдорони ҲХДТ ва сокинони деҳаи Шаҳдрез фаъолона иштирок карда, дохил ва атрофи оромгоҳро аз ҳар гуна алафҳои хушкшуда ва худрӯй тоза карданд. Тоза кардани оромгоҳҳо ва дуо гуфтан дар ҳаққи гузаштагон дар арафаи Иди мубораки Рамазон кори савоб буда, барои ҷавонон намунаи ибрат мебошад.
